Победата над ОКК Слобода да се потврди со „брејк“ во Сараево

2019 09 Окт

Кошаркарите на МЗТ Скопје Аеродром попладнево ќе го одиграат првиот гостински меч сезонава во АБА2-лигата и тоа против добро познат ривал, сараевски Спарс (18 часот), со кого лани водевме успешна битка во полуфиналето од плејофот.

Двете екипи се сосема различни од тие пресметки, што значи дека избраниците на тренерот Ѓорѓи Кочов претпазливо треба да влезат во дуелот со босанскиот клуб, кој и сега е микс на младост и на искуство. Победата над ОКК Слобода донесе позитивна атмосфера во нашиот тим, која и тоа како ќе биде подобрена со евентуален „брејк“ во Сараево.

„Без разлика што двата клуба добро се познаваат од минатата сезона во која одиграа четири натпревари, ова ќе биде сосема поинаква пресметка бидејќи обата тима претрпеа големи промени и имаат скоро нови ростери. Спарс има млада, но талентирана и физички силна екипа, која мора да се респектира. Од моите кошаркари очекувам сериозен пристап кон овој дуел и преземање на големата одговорност која е пред нив“, вели тренерот на МЗТ Скопје Аеродром, Ѓорѓи Кочов.

Сино-белите во најсилен состав отпатуваа кон босанската престолнина, со тоа што Марин Морнар сѐ уште се опоравува од повредата на грбот. Натпреварот ќе биде директно пренесуван на каналите на Арена спорт телевизијата.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page