МЗТ Скопје Аеродром утре против Слобода Тузла ја почнува новата сезона

2019 02 Окт

Со утрешниот натпревар на домашен терен против босанскиот тим ОКК Слобода Тузла (19 часот), актуелниот македонски шампион, екипата на МЗТ Скопје Аеродром и официјално ќе ја почне новата сезона, поради што традиционално, на прес-конференција, ги искажа своите амбиции кои се – највисоки.

Според директорот на клубот, Тони Грнчаров, аеродромци имаат најсилен тим на домашна сцена во моментов, што автоматски значи атак на шампионската титула и трофејот во Купот на Македонија. На регионален план, „металците“ најмалку посакуваат пласман во плејофот, со оглед на засилената конкуренција, а таму потоа да пробаат да дојдат до џекпотот – пласман во елитата.

„Со оглед на кошаркарите со кои располага нашиот стручен штаб, слободно може да кажам дека сме најсилни ако се гледа нашето првенство, што воедно значи атак на двата трофеја. Во АБА2-лига ќе биде потешко, бидејќи има добри екипи кои сериозно се засилија летово, како Сплит, Динамик, Слобода Тузла и Рогашка. Но, ние не биле тоа што сме, ако не одиме по највисоки цели, а тоа е да влеземе меѓу четири најдобри, па таму со поголема среќа да стигнеме до финалето и до АБА. Имаме тим кој е спој на млади играчи како Маслинко, Магдевски и Николов и на поискусни Симоновски, Дамјан Стојановски и Крстевски. Екипата има хемија и се надевам дека со добра работа ќе стигнеме до посакуваните резултати“, изјави Грнчаров.

Првиот оперативец на клубот проговори и за начинот на кој ќе игра тимот од „Јане Сандански“.

„Моја желба е да играме брза и агресивна кошарка со добра одбрана и многу трчање. Знам дека е лесно да се каже, а потешко да се спроведе на терен. Тоа е модерна кошарка и мора да држиме до тоа за да имаме успех како тим. Воедно, мора да потенцирам дека имаме втора екипа која ќе игра во Првата лига, нешто што за првпат се случува мак-баскетот, а во која се собрани сите таленти од целата Македонија. Едно да играат пет минути, а сосема друго да играат цел меч. Ова е амбициозен проект за кој сум убеден дека ќе донесе резултат“, дополни Грнчаров.

Тренерот на МЗТ Скопје, Ѓорѓи Кочов, кој е фокусиран кон утрешниот дуел со Слобода Тузла, смета дека остварените победи во подготовките (седум од осум) не значат ништо ако тоа не се потврди онаму каде што е најважно.

„Задоволен сум од подготовките, од ден во ден напредувавме како тим. Сепак, победите во пријателските мечеви не значат ништо посебно, бидејќи официјалните дуели се секогаш нешто друго. Слобода Тузла е екипа составена од млади и талентирани кошаркари. Без разлика што ривалот вели дека ние сме фаворити, тоа ќе биде тежок натпревар“, изјави Кочов.

Со неговото тврдење се согласи и капитенот Дамјан Стојановски, кој најави голема борбеност во текот на сите 40 минути, бидејќи само така може да се дојде до посакуваниот триумф на стартот од сезоната во АБА2.

4 Uni Banka.jpgNeuromedika za sajt.jpgaerodrom-novo-logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page