Лесна и убедлива победа над Спарс пред стартот на плејофот во АБА2

2019 14 Мар

Кошаркарите на МЗТ Скопје Аеродром со лесна и убедлива победа го завршија регуларниот дел од сезоната во АБА2-лигата, откако попладнево, на домашен терен, го совладаа тимот на Спарс (93-77).

Аеродромци клучната предност ја обезбедија во третиот период, откако во првото полувреме постојано ја имаа иницијативата и водството, но тоа во ниту еден не беше изразено со двоцифрена разлика. Избраниците на тренерот Ѓорѓи Кочов во 27. минута имаа плус 16 (66-50), по што следуваше мало опуштање кое донесе низа од десет поени на противникот, кој со тоа врати каква-таква неизвесност во натпреварот. Но, сино-белите брзо одговорија со серија 12-0, за ново највисоко водство (78-60), кое овој пат им ја осигура посакуваната победа.

Предраг Самарџиски беше убедливо најдобриот поединец во тимот од Аеродром со дабл-дабл ефект од 26 поени и 14 скока, заедно со четири асистенции. Нијанси зад него беше Иве Иванов со 19 поени, три скока и пет асистенции, а двоцифрен поентерески ефек имаа уште и Џејмс Вудард и Дамјан Стојановски со 15 односно 11 поени.

Полуфиналната плејоф-серија помеѓу МЗТ Скопје Аеродром и Спарс почнува следната среда (20 март), кога македонскиот претставник ќе гостува во Сараево. Реваншот во „Јане Сандански“ е на 24 март, додека евентуалниот решавачки меч ќе се игра повторно во босанската престолнина и тоа на 28 март.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page