МЗТ Скопје Аеродром поразен на гостувањето во Белград

2019 08 Фев

Кошаркарите на МЗТ Скопје Аеродром не успеаја да ја продолжат победничката серија на гостувањето во Белград, откако синоќа загубија во пресметката со Динамик (75-98), во меч од 19. коло од АБА2-лигата.

Кошаркарите на српскиот тим имаа шутерски ден за што говори и фактот дека постигнаа 12 тројки, а воедно беа подобри во скок-играта (40-25), што на крајот резултира со освојување на бодовите. Нашите кошаркари во финишот направија серија 16-6, но не успеаја целосно да го свртат резултатот. Отсуството на Лестер Медфорд беше видливо во моментите кога противникот играше агресивно на нашиот плејмејкер, а радува фактот што Американецот многу брзо ќе се врати во сино-белиот дрес по скршеницата на раката.

Џејмс Вудард беше најпрецизен кај МЗТ Скопје со 26 поени (шест тројки), додека Андрија Бојиќ и Андреј Магдевски средбата ја завршија со 15 поени и осум скока односно 12 поени.

Ова беше последен меч во АБА2-лигата за МЗТ Скопје Аеродром пред три неделната пауза поради завршницата од Купот на Македонија како и репрезентативниот прозорец на ФИБА. Следниот меч ќе го одиграат на 28 февруари на домашен терен против словенечка Рогашка.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page