К.К. МЗТ Скопје Аеродром

Бојиќ и Вудард го предводеа лесното искачување на Ловќен!

2019 09 Jan

Ептен лесно, со доминација во текот на сите 40 минути, кошаркарите на МЗТ Скопје Аеродром триумфираа на вечерашното гостување кај Ловќен (85-67), во меч од 15. коло од АБА2-лигата.

Триумфот е уште позначаен со оглед што е над директен конкурент за едно од првите две места на табелата, кои носат привилегија на домашен терен во полуфиналето од плејофот, но и дека е остварен без моторот на екипата, Лестер Медфорд, како и без репрезентативниот центар Љубомир Младеновски.

Блескавата серија 22-6 во третиот период на избраниците на тренерот Ѓорѓи Кочов им донесе највисоки дотогаш плус 17 (60-43), кои потоа умешно беа зачувани и капитализирани во десетти триумф сезонава во регионалното натпреварување. Најзаслужен за овој дел е Џејмс Вудард, кој четвртите десет минути ги почна фантастично, со три тројки во низа со кои го оддржуваше растојанието во однос на домаќинот.

Тимската игра беше клучниот фактор за триумфот на МЗТ Скопје, со оглед што сите кошаркари кои добија шанса имаа свој придонес во крајниот епилог. Андрија Бојиќ повторно беше најефикасен кај сино-белите со 24 поени и девет скока, а веднаш зад него беа Вудард со 18 односно Дамјан Стојановски со 10 поени. Во дресот на „металците“ дебитираше последното засилување, Предраг Самарџиски, кој за девет минути постигна четири поени, а јадранско деби имаше талентираниот Лука Стојановски.

Следниот предизвик за составот од Аеродром е босанскиот претставник Зрињски, кој за точно една недела ќе гостува во „Јане Сандански“.

4 Uni Banka.jpgGjorgievi logo2 mk za sajt.jpgNeuromedika za sajt.jpgaerodrom-novo-logo.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), седум по осамостојувањето на Македонија (2012, 2013, 2014, 2015, 2016, 2017, 2019) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: This email address is being protected from spambots. You need JavaScript enabled to view it.

 

Следете не и на

Top of Page