Фантастично прво полувреме за сигурна победа на гости кај Вршац

2018 07 Ное

Кошаркарите на МЗТ Скопје Аеродром во седмиот меч дојдоа до петтата победа во АБА2-лигата сезонава, откако со фантастична игра во нападот во првото полувреме како гости го совладаа тимот на Вршац (95-88).

Аеродромци одиграа речиси неверојатно во нападот, постигнаа дури 62 поени во првото полувреме, додека беа речиси безгрешни во ударите за тројка погодувајќи 12 од првите 13 шута од оваа позиција. Серијата 15-4 на стартот од вториот период на сино-белите им ја донесе првата двоцифрена позитива (41-31) со што најавија дека се дојдени да слават во Вршац.

Во сличен стил се продолжи до крајот на првиот дел од мечот, во кој неверојатно одигра Андрија Бојиќ, кој за нецели 15 минути постигна дури 27 поени со само две промашувања од поле (2/2 за 3п, 9/11 за 2п, 3/3 за 1п). Избраниците на тренерот Ѓорѓи Кочов и третата четвртина ја почнаа силно и во 25. минута веќе имаа огромни плус 18 (78-60) доволни за мирен финиш и сигурен триумф кој и тоа како го посакуваа пред натпреварот.

Последниот дел од средбата донесе и мали проблеми за кошаркарите на МЗТ Скопје Аеродром кога противникот намали на само четири поени негатива (81-85), но за среќа брзо се стабилизираа и успеаја да го издржат последниот налет и сосема заслужено дома да си заминат со два бода во џебот.

Бојиќ со 29 поени беше прв стрелец во македонскиот тим, Џејмс Вудард постигна 18 поени додека Дамјан Стојановски беше стрелец на 14 поени. Успехот е поголем ако се знае дека е остварен без повредениот Иве Иванов и болниот Андреј Магдевски. Аеродромци сега имаат скор 5-2 со кој остануваат во самиот врв од табелата во АБА2-лигата.

Следниот противник на МЗТ Скопје во регионалното натпреварување е српски Динамик и тоа следниот четврток во „Јане Сандански“.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page