УНИ Банка и следната сезона ќе „настапува“ во дресот на МЗТ Скопје Аеродром!

2018 20 Сеп

Македонскиот кошаркарски вицешампион МЗТ Скопје Аеродром, откако солидно го засили играчкиот состав за новата сезона, засилено работи и на формирање што е можно посилен спонзорски тим кој би овозможил мирна работа на актерите на теренот, а во кој од пред неколку дена е и „УНИ Банка“ со седиште во Скопје.

Станува збор за една од најреномираните финансиски институции кај нас, која нуди широк спектар банкарски активности, почнувајќи од прибирање депозити, одобрување кредити на правни и физички лица, услуги во домашниот и во меѓународниот платен промет, до посредување во купопродажбата на девизи и хартии од вредност. Соработката со нашиот клуб доаѓа на прославата на 25-годишниот јубилеј од основањето на банката, во која работат околу 400 вработени, која има преку 200.000 клиенти, 30 експозитури, голем број банкомати и која прва воведе чип како заштитна технологија заедно со електронското плаќање преку интернет.

Финансиската помош од „УНИ Банка“ и тоа како ќе биде од помош на МЗТ Скопје Аеродром за претстојната сезона во која ќе сториме сѐ да дојдеме до седмата титула и десеттиот трофеј во Купот на Македонија, како и да се бориме за самиот врз во АБА2-лигата. Ова е втора година од меѓусебната соработка со банката, која се надеваме дека ќе продолжи во иднина.

Истовремено, се надеваме дека заедничката успешна приказна, како со „УНИ Банка“ така и со останатите спонзори, ќе биде и мотив повеќе за останатите општествено-одговорни компании кај нас да станат дел од нашиот победнички тим и да ни помогнат достојно да ја претставуваме Македонија како на просторот на поранешна СФР Југославија така и на европска сцена.

4 Uni Banka.jpg4 sport m logo web.jpg6. adidas.jpgPekabesko 1.jpgadora logo za sajt.jpgaerodrom-novo-logo.jpgcedevita logo web.jpgcevahir logo za sajt.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и девет титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016, 2018).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: Булевар Јане Сандански бр.1, 1000, Скопје. Република Македонија

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page