Дамјан Стојановски: Во МЗТ Скопје сум како дома и затоа без размислување - останав!

2018 09 Јул

Македонскиот кошаркарски репрезентативец, Дамјан Стојановски, денеска и официјално го стави потписот на договорот со МЗТ Скопје Аеродром, со кој се обврза дека ќе го предводи нашиот тим најмалку уште во следните две години.

И покрај понудите од странство, тој се реши да остане во клубот кој го смета за свој дом, со оглед што во сино-белиот дрес ги одигра последните пет сезони од својата кариера, по дебито кое го имаше во веќе далечната 2012 година. Стојановски останува капитен на составот од Аеродром и како вистински лидер потенцира дека желбата да се подобри впечатокот од минатата сезона била главната причина што останува во „Јане Сандански“.

„МЗТ Скопје Аеродром е мојот клуб, веќе не ни паметам дека имам играно во друга средина и навистина не беше тешко да се одлучам да останам во него уште две сезони. Имав понуди од странство, но иако беа примамливи, сепак, не беа до таа мера поатрактивни и побогати за да ме натераат да си заминам во Аеродром. Сѐ уште ми е тешко што во минатиот шампионат не одигравме на потребното ниво и не ги остваривме очекувањата на навивачите како во АБА така и во македонското првенство. Токму таа желба да дадам сѐ од себе да се подобри впечатокот и да се покаже дека тоа што се случи во изминативе месеци не беше реална слика на МЗТ Скопје Аеродром беше клучна што останувам и понатаму во сино-белиот табор“, ни изјави Стојановски.

Дамјан верува во визијата на тренерот Ѓорѓи Кочов и е сигурен дека во новата сезона ќе се влезе со квалитетен тим, чија главна карактеристика ќе биде борбеноста и големата желба за успех.

„Без пожртвуваност нема ништо и сигурен сум дека во новото првенство ќе влеземе со тим кој ќе може да го врати клубот она каде што припаѓа, а тоа е во самиот врв на македонската кошарка, но и во елитата во јадранската конкуренција. Ќе биде тешко и напорно, но јас сум подготвен за предизвикот, а верувам истото ќе го мислат и сите останати кои ќе се најдат во ростерот на Кочов. Мора да ја градиме добрата атмосфера уште од самиот почеток, бидејќи без тоа нема да може да дојдеме до посакуваната цел“, дополнува бекот на МЗТ Скопје Аеродром.

Тренерот Кочов во моментов покрај Стојановски на располагање ги има уште и повратникот Љубомир Младеновски, староседелците Дарко Соколов, Андреј Маслинко и Андрија Бојиќ, како и новоангажираниот Американец, Лестер Медфорд.

4 Uni Banka.jpg4 sport m logo web.jpg6. adidas.jpgPekabesko 1.jpgaerodrom-novo-logo.jpgcedevita logo web.jpgsistina logo web.jpgtriglav logo.jpg

За нас

 
МЗТ Скопје Аеродром е кошаркарски клуб од Општина Аеродром, Македонија. Клубот е основан во 1966 година и во својата историја има освоено шест титули во Македонската кошаркарска лига во рамките на Југославија (1970, 1971, 1972, 1973, 1974, 1979), пет по осамостојувањето на Македонија (2012, 2013, 2014,2015, 2016) како и осум титули во Кошаркарскиот Kуп на Македонија (1996, 1997, 1999, 2000, 2012, 2013, 2014, 2016).
Покрај настапите во Македонската лига, „МЗТ Скопје Аеродром“ настапувал и во регионалната „АБА Јадранска лига“, како и во УЛЕБ Еврокупот.

Локација

Адреса: АСНОМ БР.1, 1000 Скопје

Контакт

тел/фах: +389 2 2444-567

email: Оваа е-адреса е заштитена од спамботови. Треба да ви е овозможено JavaScript за да ја видите.

 

Следете не и на

Top of Page